Petra. Desfiladero e Tesoro

Todo o que digan de Petra é certo. O que aquí fixo a cultura nabatea é impresionante.

Resulta incrible imaxinar como puideron facer estas tumbas xigantes esculpidas na pedra, tendo en conta que teñen que comezarse dende arriba a abaixo. E máis tendo en conta que o chan na súa época estaba un par de pisos por baixo, soterrado pola area que arrastran as augas.

Xa só o desfiladero, o Siq, fai que pague a pena a visita. Camiñar entre as sinuosas paredes, que servían para esconder o Tesoro (al Khazneh, o de Indiana Jones), pero tamén para canalizar a auga.

Eso si, vendo a pelicula da Última Cruzada, un imaxina que atravesando as columnas vai atopar moreas de pasadizos, incluso algún templario. Nada diso, a fachada remata catro ou cinco metros detrás da columna, só é un adorno de tumba de ricos.

Nin sequera a gran cantidade de visitantes enturbia a visita (e iso que cando fun viña de comezar o ataque de Israel a Gaza, e moitas reservas se cancelaran pola proximidade do conflicto). 

Nin tampouco o a insistencia de supostos guias que venden tal ou cual ruta para ir ao sitio onde se fan os selfies os instagramers.

Para ser sincero, algunas destas fotos están bastante retocadas, eliminando xente. Sobre todo na fachada do Khazneh. Pero ao ser tan grande hai moitos recunchos onde non se fai necesario. Como no propio Siq.

Máis fotos de Jordania aquí