Saltar ao contido principal

GR53

A senda panorámica de Vigo, a pesar do seu nome, non ten como maior interese as "vistas panorámicas" que ofrece da cidade. Ao meu entender, o principal atractivo que ten é que percorre todos os bosques da contorna.

Ou o que queda deles.


GR53 en Coruxo

Galiñeiro dende o Cepudo

Bosque Místico. Candeán

Vixiador

Carreiro de follas

Lagoas (desviación)

O GR en Outono

Bosque escuro. Vixiador

Muiños de Zamáns

Névoa no Vixiador

Bosque de Beade

Rio Zamáns (desviación)

Cabral

Peinador

Descoñecido por unha boa parte da cidadanía, este carreiro de gran percorrido (GR) é un auntentico tesouro en potencia. As marcas vermellas e brancas están incrustadas en bosque autóctono (Carballo, castiñeiro) e tamén en masa forestal de piñeiros, ainda que a senda non está exenta de eucalipto. Hai tramos e recunchos verdadeiramente espectaculares. O camiño, en moitas ocasións, permite abstraerse completamente, perderse entre as árbores, e facer esquecer que está tan preto de unha urbe tan grande como Vigo.

 

Pero, por desgraza, non está suficientemente valorado. Asi como temos moito orgullo polas Cíes (tanto que quizáis acabemos por estragalas), esta maravilla temola esquecida, deixandoa desprotexida.

Desprotexida as veces das desfeitas de algunhas administracións, que deberían ser as que coidasen os montes. E, pola contra, mostran un profundo descoñecemento e ata desinterés polo noso patrimonio natural.

Boa proba desto é que se chegase a considerar seriemente unha aberración como a de PortoCabral, ou que se estean a comezar as obras para os campos de Futbol do Celta en Tameiga – Pereiras.

 

No trazado do GR53, maila ser esixente no aspecto físico, a recompensa é maior que o esforzo, xa que permite percorrer prácticamente todos os montes e bosques da contorna. Algúns consolidados, e outros en recuperación trala vaga de lumes do 17: 

Saians, Coruxo, Fragoselo, Chandebrito, Valadares, Zamáns, Galiñeiro, Marcosende, Beade, Bembrive, Cabral, Candeán, Carballal, Vixiador, Madroa… compre aproveitalo mentres dure.


Todas as fotos foron feitas no percorrido do GR53, nas súas diferentes variantes. Andando ou en bici. Agás as marcadas como "desviación" que corresponden a lugares moi cercanos, pero que non están exactamente na senda.

Publicacións populares deste blog

Vietnam do Sur

Caos asiático. Escenarios de guerra. Calor tropical. O tráfico de Saigón Saigón Night Semáforo Pole position Delta do Mekong Cambiar Charlies por guiris Restos do Tornado Phu Quoc Duong Dong Faenar de noite Tormenta tropical Calquer occidental que pasase por Saigón seguro que, cando menos, quedou abraiado coa xungla de motos que circulan constantemente polas ruas (e beiraruas) desta cidade. A min foi o que máis me chamou a atención, e o que tentei captar en fotos. No Sur tamén resulta interesante percorrer e comprobar as secuelas da guerra. A de Vietnam foi a primeira confrontación retransmitida en imaxes, de feito hai fotos, como a da nena do Napalm, que axudaron a mudar a opinión pública estadounidense. Paréceme imprescindible o museo da guerra en Saigón. É duro de ver, pero penso que hai que ser conscientes do que supón o uso da forza, xa que as veces semella que se fala lixeiramente dos conflictos armados que está...
Ler máis

Dunas de Erg Cheggaga

Calor, vento e area.  Impoñente concentración de dunas cor tella, con tonalidades cambiantes según a hora do día.   Caras de luz e caras de sombra, divididas por aristas de liñas finas e sinuosas. Formas e tamaños diversos, texturas rugosas de pequenas ondas paralelas . Erg Cheggaga é un lugar especial. As dunad de Erg Cheggaga Sahara Vento e area   Gran duna O teu camiño Solpor Erg Cheggaga Subida a gran duna Luz, sombra e horizonte   Jam session na haima ​   As dunas de Erg Cheggaga (Ou Chegaga, Chigaga, Chegagga... según onde se mire) son un areal de 40x15 km ao sur de Marrocos, a poucos kilómetros de Arxelia. A un par de horas en 4x4 dende M´Hamid el Ghizlane polo oeste ou outras dúas horas ata Foum Zguid ao leste . As posibilidades que ofrecen á cámara son moitas. Conseguense distintas tonalidades, probando a con diferentes inclinacións do sol e xogando coa exposición e o balance de...
Ler máis

Ortigueira e arredores

Antes,  Ortigueira era coñecida polo seu festival. Agora,  coñecese polo seu festival, e por un banco. Porén,  Ortigueira e arredores sempre tiveron moito máis. Loiba Fuciño do Porco Luz do Norte Estaca de Bares Septentrional Herbeira Garita 613 metros sobre o nivel do mar Estrada DP-2205   Fotos tomadas en O Vicedo, Mañón, Ortigueira e Cariño.
Ler máis

Nevoas na Ribeira Sacra

  Non é a primeira entrada que fago sobre a Ribeira Sacra.  Non sempre que vou toca bo tempo (máis ben penso que é ao contrario).  Pero para as fotos de paisaxes, ou incluso retratos, gustame moito como quedan as nevoas e os ceos enmpedrados .   Ainda que tapen parte das vistas.  Esta é unha pequena recolección de fotos de días nos que a névoa estaba presente, escondendo os cañóns ou agochando o sol.
Ler máis

A Fraga de Moaña

A fraga de Moaña. Tan escondida e tan cercana, tan misteriosa e tan aberta. Tan recóndita e tan próxima. Na súa atmósfera envolvente agochanse recunchos tan máxicos como accesibles. So hai que ir ali a descubrilos.
Ler máis