Se a mellor forma de coñecer un pais é percorrendo as súas estradas, a mellor forma de introducirse nas súas paisaxes é camiñando os seus carreiros.
O Camiño dos Faros éo único xeito de descubrir todos os recunchos da Costa da Morte. Como ben din na web do camiño: unha paisaxe en cada paso.
Fai click nas imaxes para entrar nas publicacións.
O Camiño dos Faros é unha ruta de senderismo de 200km en 8 etapas. Parte de Malpica e remata en Fisterra. Sempre camiñando a beira do mar. Pasa por cantís abruptos, faros, pobos mariñeiros, espacions dunares, marismas, camiños de percebeiros e praias virxes.
A asociación "Os trasgos" ideou esta senda, e ata o de agora tentaron manter accesibles os seus camiños. Agora son as administracións as que teñen que tomar o relevo e continuar co traballo, e resolver problemas de homologación e mantemento.
Resulta incrible como esta asociación pode atopar tantas dificultades por parte das diferentes administracións implicadas. Debería ser ben sinxelo consolidar un camiño que axudaría tanto a dinamizar as comarcas con turismo de naturaleza e calidade, como para preservar espectaculares paraxes de tentacións especuladoras. Non se entende. Agardemos que esta impresionante ruta non remate esquecida e enterrada nos toxos.
En todo caso, a iniciativa é maravillosa, pola que a xente que amamos a natureza, as paisaxes, e a nosa costa esteremos sempre agradecid@s.
É a mellor manera (se non a única) de coñecer integramente a Costa da Morte e todos os seus impresionantes lugares e recuñchos
As publicacións deste blog non corresponden coas etapas, pero todas as imaxes que conteñen foron feitas durante o seu percorrido. Ao ser fotos en ruta, maiormente en horas centrais do día, a luz non é a axeitada. Ainda así creo que as paisaxes da Costa da Morte son espectaculares independientemente das condicions de captura de instantáneas.
Para consultar toda a información sobre este camiño, o mellor é visitar a súa páxina, está chea de detalles e indicacións precisas, ademáis de moreas de fotos espectaculares:
http://www.caminodosfaros.com/
