Saltar ao contido principal

Vial Bembrive - Beade: O que imos estragar

O Concello de Vigo ten previsto no novo Plan Xeral a construcción dun vial de 4 carrís entre Baruxáns e PSA: o Vial OP 010. Pasará por Bembrive, Beade, Castrelos e Matamá.




Este conxunto de fotos foi tomado nos lugares que se verán afectados ou destruidos por este vial. A desfeita consiste, principalmente, nas casas da veciñanza. Unhas serán derrubadas, e outras quedarán desvirtuadas ao lado dunha via de alta capacidade. Pero por outra banda, están os pequenos bosques, regos, carreiros, paisaxes rurales. Recunchos especiales que Vigo ten tan preto pero que vai estragar ou deteriorar para sempre.

Neste link do Wikiloc podedes atopar o trazado do vial e os lugares aquí reflexados.


Bembrive

(O trazado do vial dividirá en dous a parte da parroquia entre Baruxáns e o Eifonso)






Eifonso
(pasa por enriba do rego e próximo aos muiños)





Beade - Relfas
(pasa por enriba, dividirá os campos en 2)




Beade - Saa
(pasa polas pradeiras cercanas ao entorno do Barxa)






Beade - baixo instituto 
(Neste tramo será vial soterrado)






Castrelos - Barxa
(pasa próximo ao rego, quedará ao lado do cruce entre o vial Clara Campoamor e a OP 010)





Matamá - Devesa
(pasa por enriba do rego, supostamente nun viaducto)








Matamá 
(Vial soterrado)





Pereiró
(Pasa por enriba, ata chegar a STELLANTIS)





Rego Barxa 
(a uns centos de metros, sen estudios de como pode afectar)


A miña intención é, dunha banda, reflexar o que se vai estragar, xa que non se fixo estudio de impacto ambiental nin paisaxístico. E doutra banda, deixar imaxes da lembranza do que xa non existirá, ou se verá sustancialmente alterado.

Antes de lanzar as máquinas excavadoras a destrozar o patrimonio natural, paisaxístico e veciñal da cidade, compre preguntarse se realmente é imprescindible este vial.

As macroinfraestructuras que consisten en reforzar os viais para resolver os atascos, poden rematar xerando máis embotellamientos, xa que supoñen un aliciente para desplazarse en vehículo privado. Actualmente hai varias circunvalacións da cidade, pero máis afastadas. Deberían chegar, xa que o seu obxectivo está cumplido: xa non circulan camións pola cidade. Penso que, antes de planexar este tipo de viais, compre explorar medidas que faciliten o transporte sen coche. É dicir, reducir os atascos da forma máis práctica: reducindo o tráfico. O medio ambiente e os nosos pulmóns agradeceríano. Vigo é a cidade con máis coches por habitante do país. Medidas como a construcción desta estrada non axudan a revertir esta tendencia.

Os lugares especiales son os que crean a identidade dunha cidade. Eses recunchos singulares que se teñen, ou non se teñen. Unha cidade fermosa debería coidar estes espazos. Mantelos. Poñelos en valor. Ou, como mínimo, non esnaquizalos. Máis ainda si se trata de bosques, xa que son o pulmón da vila. E se hai que arrasalos, que sexa por motivos absolutamente imprescindibles. Penso que este vial non o é.

Pode ser que as zonas que definin non sexan as exactas do trazado (fixeno a partir de imaxes de internet basadas no PXOM). Pero penso que esta inexactitude non ten relevancia. Unha estrada de catro carris provoca un impacto tan grande, que abofé; vai cambiar para sempre todos os recunchos aquí reflexados. Da igual que vaian ser completamente sustituidos polo asfalto, que queden baixo unha ponte, que queden a beira da estrada, ou que o vial pase soterrado nun túnel por embaixo, xa que nin se estudou se afecta aos acuíferos subterráneos.

Cedo todos os dereitos de reproducción das imaxes desta entrada, sempre que a finalidade do seu uso sexa reivindicar a paralización da construcción deste vial, ou informar sobre a desfeita.



Publicacións populares deste blog

Dobrogea. Delta do Danubio

Onde remata o gran río de Europa, e comeza o Mar Negro. Delta do Danubio O vó da garza Praia sen final Lagoa Turceasca Delta en bici Cisnes do Danubio Porto de Sfantu George Canales A area dos confíns de Europa As rúas de Sfantu George Mar Negro en Constanza Constanza Máis entradas de Romanía aquí O Danubio en Rumanía fai fronteira con Serbia primeiro, e con Bulgaria despois. Cando xira ao Norte separa Valaquia de Dobrogea. E nesta última rexion rumana, a desmbocadura do rio ocupa unha area extensisima nun delta enorme.  O Delta do Danubio forma un laberinto de canales e lagoas, entre xuncos, marismas, bosques inundados e cañaverais. É unha das maiores reservas de paxaros de Europa. Por iso mesmo está catalogado como Reserva da biosfera pola unesco, ainda que pon mais empeño en conservala Rumanía que Ucrania. Tamén contén longuisimos areais virxes no limite con Mar Negro. As poucas pob...
Ler máis

Cárpatos. Bucegi

As montañas de Bucegi, nos Cárpatos romaneses, álzanse como paredes impoñentes, con 1000 metros de altura, a través do curso do Río Prahova. Chaman a atención pola sua beleza case virxe, e polos misterios que supostamente agochan. -x- Las montañas de Bucegi, en los Cárpatos rumanos, se alzan con paredes imponentes, con 1000 metros de altura, a través del curso del río Prahova. Llaman la atención por su belleza casi virgen, y por los misterios que supuestamente esconden. Bucegi Teleferico de Busteni Miradoiro de Bucegi Cumio do Monte Omu As donas dos Cárpatos Descenso Baixada do val Ar de Montaña Bucegi Camiñar polos Cárpatos   Cabana Babele Bucegi dende Busteni O Teleférico, que sae da turística localidade de Busteni, permite alcanzar a cabina Babele (2000m) sen esforzo. Eso se obviamos o esforzo de chegar unha hora antes de que abra (empeza as 8:30) e logo facer unha cola de outra hora. Pero vale a pen...
Ler máis

Camiño dos Faros. Ponteceso, Laxe, Camelle

As dunas de Ponteceso,as súas marismas, a peninsula de Laxe, onde o mar xa se pon serio, Soesto, Traba... e o emblemático Camelle. Areal de Ponteceso Nen@s na area Lingua da duna Marismas A forza do mar Pesca Insua de Laxe Faro de Laxe Praia dos cristáis O mar devolve todo Soesto Curiosas formas Camelle Neste tramo da ruta percorrese o maxestuoso areal de Ponteceso. O seu propio monte branco. Tras pasar unha longa etapa pola costa e interior de Cabana. Tramo non tan espectacular pero con visita ao Castro de Borneiro e o domen de Dombate.  O camiño dos faros chega a península de Laxe, na que destaca o seu faro. Sinxelo, pero nun emplazamento privilexiado. En Laxe tamén se pode atopar a curiosa praia dos cristais. Seica un barco con botellas naufragou cerca dela. E o mar devolve todo. Tanto que formou unha pequena praia que no canto de area ten cristais erosionados. A partir de ahí, destaca o espectacular peñón de Soesto, e a praia...
Ler máis

Carros de Foc. Dia 1

O miradoiro de San Maurici "Entre pedra, nubes e neve" - Subida o Port de Ratera - "Duplicar as nubes"  - Port de Ratera - Estany Ratera"  "Entre a auga e o ceo" - Punta d'Estasen, Tuc Saboredo e Pic Amitges dende Port de Ratera - "O camiño" - Port de Ratera - "Evasión" "Baixada entre Estanys" - Estanh de Naut de Saboredo - "Saboredo" "Entra a néboa" - Refugi de Saboredo - Mallafré – Amitges - Saboredo A nosa primeira xornada non debía plantear moitos problemas: 750m de subida e 390 de baixada, unhas 4-5h. O percorrido ata Amitges faise moi ben. O único problema que tivemos foi a calor que fixo ese día.  Tras voltar do Refugi Mallafré (1950m) empezamos camiñando pasadas as 9:30 nas zonas dos arredores do Estany San Maurici, subindo case sempre po...
Ler máis

Rio Eifonso

O Eifonso é un dos carreiros máis fermosos que están dentro do Concello de Vigo, se non o que máis. Incrustado en Bembrive, fai subida contínua ao lado do rego. En pouco menos de 5Km ten muiños, pasos de fraga profunda, pontes, fervenzas... Un pequeno tesouro ao lado da urbe. A fervenza da Bouza Fría, semisescondida, a colección de muiños (algúns semirestaurados), as pontes (non todas en bo estado), e a interconexión con outros sendeiros de Bembrive, fan que este carreiro sexa moi recomendable en todas as estacións. Especialmente no outono e na primavera.
Ler máis