Nesta zona do norte de León conviven as súas paisaxes impresionantes cunha historia recente dramática e frustrante.
 |
| Novo Riaño |
A contorna da poboación de Riaño forma parte do parque rexional dos Picos de Europa. As súas montañas teñen oreografía moi parecida ao parque nacional: abruptas e calizas. Quizáis non son tan escarpadas, pero a mestura entre frondosos bosques e prominentes montañas resulta espectacular.
 |
| Peñas Pintas dende o Gilbo |
Máis o que fai diferente a Riaño son as augas do seu embalse. Foi un absoluto atentado ecolóxico, como tantas outras veces, os supostos intereses da especie humana puxeronse por enriba do tremendo impacto ambiental que supón tal cantidade de auga nos vales anegados. Mudou para sempre este entorno.
 |
| Prados de Liegos |
 |
| No interior dos bosques do parque |
Hai que recoñecer que paisaxisticamente é precioso: auga máis montañas, pero o prezo semella demasiado alto. Ademáis, as imaxes anteriores ao embalse mostran que Riaño era fermoso dabondo antes, igual ou máis que na actualidade.
 |
| Columpio. |
 |
| A montaña de Riaño |
O que Franco non deu feito na dictadura, rematouse en democracia. E co punto tráxico de que as comportas se pecharon só un día antes de que entrase a directiva europea que ia prohibir este tipo de infraestructuras sen estudios de impacto ambiental.
 |
| Carende |
 |
| Bosque mitolóxico |
 |
| Névoa no val |
Basta dar un pequeno paseo polo Novo Riaño para ver que aquel drama non se superou. En todas as esquiñas hai referencias aos sete pobos anegados, e imáxes que os lembran. Nos bares, nos restaurantes, nos hoteles... A praza do pobo chámase "Plaza de los pueblos".
 |
| O Esla tra-la presa |
 |
| Beleza artificial dende o Huelde |
Non é para menos: A xente tivo que ver como as súas casas foron destruidas antes que anegadas, incluso houbo un suicidio. Tivo que intervir o exército.
 |
| Nostalxia da historia |
 |
| Balcón do Peñas Pintas |
E todo para xestionar unha auga para regadíos dos campos ao sur da provincia de León que nunca chegou a utilizarse nas cantidades que se prometeran.
 |
| A vida antes do encoro |
 |
| Bosque no outono de León |
Pola contra, o declive da comarca dende aquela foi imparable. Situación que se percibe nas conversas de bar, como en moitos outros pobos do rural. O que fai especial a decadencia de Riaño é que a causa de este éxodo foi traumáticamente imposta, pouco acorde ao tempo no que sucedeu.
 |
| Gilbo dende Peñas Pintas |
 |
| Sobrevoando as montañas |
O paso dos anos deu a razón aos opositores ao embalse.
 |
| Descenso ao val |
 |
| Rebecos |
Outra vez os gobernantes fixeron desfeitas sen escoitar a ninguén, ainda habendo claros e fundamentados argumentos en contra das súas intencións.
 |
| Atravesando a majada |
 |
| Baixo as nubes e sobre a névoa |
De nada serviron as protestas de veciños, ecoloxistas e intelectuais. Os que mandaban creronse máis que o povo que lle deu o poder, polo simple feito de telo.
 |
| Panorámica baixo o Yordas |
 |
| Esquio |
As eternas e fermosas montañas de Riaño miran as falcatruadas da especie humana. Agora teñen os pes mollados, mais alzanse impoñentes. Entre elas, bosques cargados de vida e especies autóctonas.
 |
| Yordas |
 |
| Dende o cumio do Gilbo |
O Yordas, Peñas Pintas ou Gilbo (tamén chamado Cervino leonés), xunto coas augas do encoro que agochan o pasado, compoñen unha paisaxe de postal.
 |
| Bosques de Riaño e o Espigüete |
 |
| Pequenas cousas |
Máis información sobre a historia e o encoro de Riaño:
https://ramiropinto.es/hemeroteca/verdes-riano/infame-destruccion-riano/
 |
| Derradeiras luces sobre o encoro |
 |
| A Mora |
Andainas nas que foron feitas a maioria destas fotos: