A ViboMask é unha reunión de figuras tradicionais de entroido que ten lugar en Viana do Bolo e Vilariño de Conso. Achéganse gran cantidade de máscaras de toda Galicia, e tamén de fora: Portugal, Zamora, León, Euskadi...
Boteiros e Folión de Vilariño de Conxo
Madamas e Galáns de Cobres
Boteiro e Folión de Viana do Bolo
Follateiros de Lobios
Merdeiros do Berbés (Vigo)
Entroido de Sanmamede
Folión de Buxán
Vellarrón de Riós
Felóns e Madamas de Esgos
Entroido A Veiga
Cabaleiros do Entroido da Feira (Salvaterra)
Bonitas de Sande
Oso de Salcedo (Pobra do Brollón)
Fulión de Mormentelos
Caretos de Lazarim (Viseu)
Diablos de Luzón (Guadalaxara)
Carnaval de Abanto (Euskadi)
Sidros e Comedies de Valdesoto
Talanqueiras e Visparros (Galende, Zamora)
Atenazador (San Vicente de la Cabeza, Zamora)
Certo é que unha mascarada nunca vai ser algo tan auténtico como visitar cada entroido no seu lugar. Sempre vai ter un punto de artificial por sacar as figuras do seu contexto orixinal. Porén, a VIBOMask é un evento perfecto para interconectar, para divulgar e poñer en valor nun entorno rural as diversas e numerosas máscaras que existen.
Xuntar todas as figuras nun mesmo lugar facilita que se dean a coñecer. Sen alterar o dificil equilibrio entre tentar manter con vida os diferentes entroidos, e que non morran de éxito. Xa que según da vila que se trate, a masificacións de visitantes podería facer que a festa perda a súa esencia ou se desvirtúe.
A ViBoMask axuda a tomar conciencia da riqueza e o valor do entroido que temos. Unha tradición ancestral das boas, das que non tentan intervir na liberdade individual das personas.